Shkrimtare nga Tirana, që jeton në Vancouver
Shkruan libra me poezi dhe tregime të shkurta, në shqip dhe anglisht
Armenida Qyqja
Rreth Meje
Shkruaj për të plotësuar një nevojë për vetë-shprehje – një ndjenjë që e kam pasur që fëmijë duke u rritur në Tiranë.
Tani, si shkrimtare me disa përmbledhje poetike dhe tregime të shkurtra,
e shoh poezinë si një mënyrë për të prekur thelbin e të qenit njeri.
Udhëtimi i një Shkrimtareje
Unë linda në Tiranë, Shqipëri, në vitin 1977. Fillova eksperimentimet e mia të para në moshën 14-vjeçare, pastaj më seriozisht në moshën 15-vjeçare, kur fillova të shkruaj paralelisht poezi dhe tregime të shkurtra. Emigrimi në Kanada në vitin 1995, në moshën 17-vjeçare, i shtyu mënjanë aspiratat e mia për letërsinë dhe shkrimin, pasi qëllimi kryesor ishte mbijetesa dhe integrimi në një mjedis krejtësisht të ri.
Më desh pak kohë për ta gjetur veten përsëri si shkrimtare, derisa më në fund botova librin tim të parë me poezi, "Përtej shtratit të shiut" në vitin 2018, në Tiranë, Shqipëri – vendi ku kishte hedhur hapat e parë udhëtimi im si shkrimtare.
"Një tufë poezish në vend të luleve", botuar në Amazon në vitin 2022, ishte përpjekja ime e parë për t’ia prezantuar poezinë time lexuesve anglishtfolës, duke shënuar edhe fillimin e një rruge tjetër.
Nga Poezia te Proza – Një Rrugë e Re
Ndërsa poezia kishte treguar se e njihte rrugën për të dalë nga unë, me pesë libra poetikë të botuar në shqip dhe një koleksion poezish të botuar në anglisht, edhe proza po përgatitej më në fund për të nisur udhëtimin e saj.
Në nëntor të vitit 2022, u publikua "I vdekuri që qesh", një libër me tregime të shkurtra në shqip. Ky libër më dha mundësinë të them atë që nuk mund të përshtatet në hapësirën e ngushtë mes vargjeve të poezisë.
Një Ura mes Dy Botëve
Ndërsa udhëtimi vazhdon mes meridianëve që i ndajnë dy botët e mia,
shkrimi duket të jetë rruga e fshehtë që i bashkon ato.
Rruga ku kam një zë për të folur, jo vetëm për veten,
por për miliona si unë.